TOSOI CAKE NA FLYING FIJIANS KINA I KA 11 NI TUTU ENA WORLD RANKING NI OTI NODRATOU DRUKA VEI SIKOTELADI.
Written by Maikeli Radua on November 8, 2022
Photo: Fiji Rugby Union
E sa mai tosoi cake kina i ka 11 ni tutu ena Men’s World Rugby 15’s Ranking na noda matatimi ni Flying Fijians, ni oti na nodratou druka ena kai 28 kei 12 vei Sikoteladi ena Autumn Series ena Sigatabu sa oti.
E a toka o Viti ena i ka 12 ni tutu ni bera ni qai dikevi lesu na ratings ena 74.85 na poidi ka levu cake mai na timi ni Samoa.
Timi ni Niu Siladi sa toso cake kina i ka 3 ni tutu ni oti nodratou qaqa vei Welesi ena kai 55- 23 ena Sigatabu sa oti.
Ailadi sa naba 1 ena noda vuravura, ka sa naba 2 o Varanise.
Sauca Aferika sa lutu sobu ena i ka 4 ni tutu,kei na timi ni Wallabies sa toka ena i ka 7 ni tutu.
Na valataki vanua ka tarava ni timi ni Flying Fijians ena sota kina kei na timi naba 1 oya o Ailadi ena 1am ena Sigatabu .
Vakarorogo tikoga mai ena Vitifm 92.2FM/92.6FM/92.0FM ena kena i tukutuku matata.
