TU VAKARAU NA VANUA O VITI ME VUKEA NA MATANITU O NIUSILADI-RABUKA

Vakaraitaka na Prime Minister ka minisita talega ni Foreign Affairs o Sitiveni Rabuka,ni sa tu vakarau na noda vanua me na veivuke ki na matanitu o Niusiladi,ke mani gadrevi mai na veivuke.

Ena nona i tukutuku ni veitokoni kivei ira na lewenivanua mai Okaladi,tukuna o Rabuka ni kila vinaka sara tu ga o Viti na veika e dau lako-curumi ena gauna vaka oqo,ka ni vuqa na lewenivanua era dau gadreva sara tu ga na veivuke.

Tukuna o Rabuka ni via veivakadeitaki vua na Prime Minister ni Niusiladi,o Chris Hipkins,ni sa tu vakarau tu o Viti mei veivuke.