TUVANA NA TABANA NI BULA EDUA NA I TUVATUVA ME BALETA NA MONKEYPOX.
Written by Maikeli Radua on June 13, 2022
Photo: File.
E rawa ni da namaka meda na taurivaka tale na lawa ni Contact Tracing kei na lawa ni Isolations kevaka e sa na mani laurai ena noda vanua na mate na Monkeypox.
Qori na i tukutuku e vakaraitaka na Minisita ni Bula Dr. Ifereimi Waqainabete, se cava na i tuvatuva sa tuvana tu na tabana ni bula me baleta na mate na Monkeypox kasa veitauvi tiko ena noda vuravura ena gauna qo.
Vakaraitaka talega o Waqainabete ni ratou sa veitalanoa tiko kei na so na i vakalesilesi lelevu mai vanuatani ka ra kenadau ena mate qo na Monkeypox.
Na mate qo na Monkeypox e vakatokai me Endemic ena so na matanitu me vakataki Central and Western Africa ka ra vuvale vata kei na mate na smallpox virus na monkeypox.
E sa laurai tiko na mate na Monkeypox ena so matanitu lelevu ena noda vuravura me vakataki: United States of America, Australia, United Kingdom, Spain, Portugal, France, Italy, Germany. Sweden, Netherlands kei Canada.
Kena i tukutuku matata vakarorogo tikoga mai ena Vitifm 92.2FM/92.6FM/92.0FM
Reader's opinions
Continue reading
