Current track

Title

Artist

Background

Unfair-All Blacks loose forward Pita Gus Sowakula- kei na veika e vola ko Aaron Guile.

Written by on October 19, 2022

E volavola ko Aaron Guile e dua ka dau vakamuria vakavoleka sara na timi ni All Blacks. E kaya na turaga oqo , ni se bera mada ga ni kacivaki na yacadra na lewe ni timi ni All Blacks XV – sa mosi rawa tu na yaloi Pita Gus Sowakula ka tiko voli e Taranaki.

Pita Sowakula – ena nona mai tabaka e sua na sikoa ena sota kei Ireland e Eden Park.

Na taro e tiko , e rawa vakacava vua e dua ka vakaraitaki koya saraga vakavinaka ena sotasota ni Super Rugby, sega walega ena sotasota ni yabaki oqo , kacivaki na yacana ena Jiune me lewena na timi ni All Blacks, ka qai mai lutu tu na yacana ena lewe 63 ka kacivaki na yacadra mera gole kina igolegole vaka qito ki Urope ena vica na macawa mai oqo?

E 29 ga na miniti na nona qito ena valataki vanua ena Jiulai. Dina, ni so beka na nona malumalumu e laurai kina, ia ena qito mai Eden Park, a mai tabaka kina e dua na sikoa rairai vinaka kei na nona butakoca talega e dua na polo ena gauna ni laini.

Ia, ena sotasota ni NPC, ena bai vakaraitaki koya tale kina o Sowakula ena timi ni Taranaki, ka ratou vakaraitaki ratou ni ratou jabeni dina ena 2021.

Ena dua na veitarotarogi kei Jason Ryan e Niusiladi , e kaya kina ni sega ni se sogo na katuba kina timi ni All Blacks vei Soakula.Kevaka e gadreva mena lewena tale na timi , ia sa dodonu mena vakaraitaka vei ratou na kena veiliutaki e dua na ka e ratou na sega tale kina ni lomalomarua , ka me ratou na solia tale vua e dua na gauna me tokara kina na siqileti loaloa.

source:stuff.co.nz/Aaron Guile

 

 

 

 

 


Reader's opinions

Leave a Reply

Your email address will not be published. Required fields are marked *