VAKABAUTI NI RAU LUVU NA 2 NA GONE MAI NADI ENA YAKAVI OQO.

E vakabauti ni rau mai luvu e 2 na gone ena yakavi nikua mai na koro o Vatutu mai Nadi.Oqo e dua na gone yabaki 4 kei na dua na gone yabaki 2 ka yaco na veika oqo rauta toka na 2 na kaloko ena yakavi nikua ena uciwai volekata na koro o Vatutu.

Na nodratou cakacakavata na tabana ni ovisa kei ira era tiko volekata,e sa laurai rawa kina na gone yabaki 2,ka se tomani tiko ga na nona vakasaqarai na gone yabaki 4.

E na tomani tiko na veivaqaqai ena vuku ni veika e mai yaco oqo.