VAKACEGUI NA CEO NI FBC MAI NONA I TUTU
Written by Maria Solomone on January 30, 2023
Riyaz Sayed-Khaiyum-CEO ni FBC.
Vakaraitaka na matabose ni FBC, ni sega vei iratou na veivakabauti ena nona cakacaka na CEO, o Riyaz Sayed-Khaiyum, karatou sa vakatulewa taka vakalawa, mesa vakacegui mai nai tutu oqo.
Sa na taura na i tutu ni CEO vakatawa ni FBC, na Chief Financial Officer o Vimlesh Sar-gar, me yacova tiko na gauna eratou na digitaka tale kina e dua na matabose.
Vakaraitaka na Jemeni ni matabose ni FBC o Ajay Bhai Amrit, ni dua na ka e vakatakilai yani kivei iratou, oya ni rawata tiko o Sayed-Khaiyum e sivia nai lavo, ka sivia madaga na veika e rawata tiko na Prime Minister.
Tomana o koya ni tukutuku oqo ea va-kidacala kivei iratou na matabose.
Kuria o Amrit, ni ratou a sota na matabose vou ni FBC kei Sayed-Khaiyum keina Executive Directors ni FBC ena Vakaraubuka sa oti.
7 na yauwa na balavu ni bose oqo, ena nodratou vakarorogo matua na matabose ena veika e vakaraitaka o Riyaz Sayed-Khaiyum ena veicakacaka ni FBC.
Tomana o koya ni laurai vinaka niratou vakararavi sara tuga na kabani oqo ena veilavo e solia na matanitu, ka sega ni dua talega nai tuvatuva vinaka e laurai me rawati kina nai lavo ena loma ni kabani.
Vakaraitaka o Amrit ni matabose vou ni FBC ena raica tiko na tikina oqo, ka sa veitalanoa oti talega keina Vukevuke ni Prime Minister, ka Minister ni Lavo o Professor Biman Prasad keina Prime Minister o Sitiveni Rabuka, ka rawa talega ni vakadeitaka o Amrit ni na railesuvi tiko nai lavo e dau soli kina kabani oqo mai vua na matanitu.
Ivurevure:fijivillage.com
