VAKACEGUI TU VAKAWAWA O OVISA MAI LABASA, KA RAIRAI ENA MATAVEILEWAI NA DRAIVA NI BASI.
Written by Maikeli Radua on May 17, 2022
Esa vakacegui tu vakawawa mai na nona cakacaka na ovisa mai Labasa ka laurai tiko ena dua na video ni saga tiko me vesuka edua na draiva ni basi ena loma ni dua na basi mai na busstand mai Labasa.
Ena nona vakaulewa na Kominisina ni Ovisa Sitiveni Qiliho sa vakarota kina me vakacegui vakawawa o ovisa mai na nona cakacaka me vakayacori mada edua na veivaqaqai.
Ia o koya na draiva ni basi e sa na rairai tiko ena Labasa Magistrate Court ena yakavi saraga edai ena cala ni nona sega ni via solia na yacana kei na yaca ni vanua e vakaitikotiko kina, kei na nona vakadredretaka na nona cakacaka ni veivesu edua na ovisa.
Ena vakacegu tiko na ovisa qo mai na nona cakacaka me yacova na gauna sa vakayacori oti kina na veivaqaqai baleti koya.
Kena i tukutuku matata vakarorogo tikoga mai ena Vitifm 92.2FM/92.6FM/92.0FM
