VAKADEITAKI NA TIMI ERA NA VAKAITAVI TIKO ENA SOTASOTA NI NAWAKA 7S .
Written by Rosena Volavola on February 2, 2023
E sa mai vakadeitaki na timi ena veitobu ni sotasota ni 36th Fiji Bitter Nawaka 7s me ra na vakaitavi tiko ena rua na siga, ni mataka kei na siga Vakarauwai ni vula qo.
Ena 12 tiko na veitobu ena timi ni tagane , sa mai vakadeitaki ni 48 taucoko na timi era sa na vakaitavi tiko kina, 6 na tobu mai na vakatagedegede ni Vodafone U21 ena 24 na vei timi , 2 na tobu e tiko ena timi ni Vibulou ena marama mai na 8 na timi era sa digitaki , 1 na tobu mai na Fellow Fijians category ka 4 na timi sa digitaki.
Ia na timi ni Wardens e sa tu vakarau me ratou na sota yani kei na i matai ni tobu, sota kina kei na timi ni Nakailo, Duibana vata kei Vuda Green.
Na vei timi rogo me vaka na timi ni Police Blue e tiko ena ka tolu ni tobu, Police White ena i ka tini ni tobu, Raiwasa Taveuni ena ka 2 ni tobu, na timi ni Ram Sami Army Red ena i ka va ni tobu, tiko talega na timi ni Ram Sami Army Green ena ka 9 ni tobu, oya na vei timi ka na namaki ena kena maroroi na bilo mai vei iratou na timi ni Wardens ena sotasota oqo.
Na i cocovi ena soli tiko oya e tini na udolu ($10,000) ena kena valataki na i tutu ena timi ni tagane, ka tolu na udolu ($3,000) ena soli ena vei timi ni U21, 8 na timi ni marama ena valataka e dua na udolu, lima na drau ($1,5000) na cocovi i lavo, ka 4 na timi mai vei ira na vasu ena kena valataki e $700 na cocovi lavo ena Fellow Fijians Division.
Na sotasota ni Nawaka 7s , ena tekivu tiko ena siga ni mataka ka na vakacavari tiko yani ena siga Vakarauwai.
VITIFM 92FM/92.2FM/92.6FM
E KAMICA QAI KAJI!
SOURCE: fijivillage
