VAKANAMATA NA TIMI NI FIJI AIRWAYS ENA SOTASOTA NI HONG KONG 7’S .
Written by Rosena Volavola on March 29, 2023
E vakaraitaka na dauniveivakatavulici ni timi ni Fiji Airways o Ben Gollings ni ratou sa vakanamata tu na cauravou ena sotasota ni Hong Kong 7s ena mua ni macawa qo.
E tukuna o Gollings ni ratou sa kila na cauravou na veika me ratou na vakayacora e loma ni rara, kei na kena bibi vei ratou na rawati mai ni qaqa ena sotasota levu qo.
Viti ena qito kei Samoa ena matai ni qito vakatobu ni oti na 7 ena 28 na miniti ena yakavi ni Vakaraubuka, rau na qai sota kei Canada ni vo e 8 na miniti me 4 na kaloko ena yakavi ni Vakarauwai, ka rau na qai calidi kei Argentina ni vo e 25 na miniti me 9 na kaloko ena bogi ni Vakarauwai.
Na kota-fainala ena tekivutaki ni oti na 2 ena 2 na miniti ena yakavi ni Sigatabu, Semi-Fainala ni oti na 7 ena 29 na miniti ena yakavi talega ni Sigatabu, ka na qai vakayacori na Fainala ni oti na 12 ena 15 na miniti ena mataka ni Moniti.
