VAKARAUTAKA TIKO NA PERESITEDI NI RUSIA NA YARAGI VAKATOKAI NA NUCLEAR
Written by Atu Kurumudu on February 28, 2022
Esa vakarota na Presitedi ni Rusia o Vyladmir Putin me vakarautaki tiko na nodratou I yaragi ka vakatokai tiko na nuclear, ena nodratou nanamaki tiko me baleta na nodratou sasaga na veimataivalu ni matanitu era tiko ena ruku ni NATO.
Nai tukutuku mai vua na Presitedi ni Rusia, e vuqa na matanitu lelevu era vakaraitaka na nodra sega ni duavata, karatou sa vakaraitaka talega kina na matanitu o Merika ni tuvatuva esa vakayacora oqo na matanitu o Rusia e sega ni dodonu, ka vakarerevaki talega.
Matai tiko ni gauna era vakarautaka kina na veimatanitu Vaka-NATO, na nodra veimataivalu mera lai walia na leqa e yaco tiko ena maliwa kei Rusia kei Ukraine.
Na veimatanitu era wili tiko ena NATO, o Merika, na veimatanitu era wili tiko ena Europena Union, Peratania, Canada kei Turkey.
Eratou vakaraitaka na matanitu o Ukraine ni 4,300 na kai Rusia era sa leqa ena vuku ni sasaga ni vua-iri oqo.
Eratou vakaraitaka na European Union, ni ratou na vakauta tiko eso tale na yaragi kina matanitu o Ukraine, karatou sa vakatabua talega na veiwaqavuka ni Rusia me vuka wavoki ena maliwa lala ka tuakena tiko na European Union.
Reader's opinions
Continue reading
