VAKASAQARAI TIKO E DUA NA GONEYALEWA YABAKI 15 KA YALI TIKO ENA GAUNA OQO

E ratou sa kerekere tiko na Tabana ni Ovisa vei keda na lewenivanua ena nona vakasaqarai na goneyalewa yabaki 15 o Pasepa Vosatini, ka rivotetaki ni a yali tiko ena siteseni ni Ovisa e Raiwaqa.

Nai otioti ni siga e laurai kina o Pasepa oya ena i ka 6 ni siga ni vula qo Seviteba. E biubiu mai vale ka gole vata kei na dua na nonai tokani me rau laki tiko ena nodra soqovata nai tabagone e Raiwaqa.

E segani mani qai lesu tale ki nodratou vale na goneyalewa oqo, ka ratou sa lomaleqa na lewe ni nona vuvale. E ratou vakasaqarai koya ena vanua e dau gade kina ia e segani laurai.

Sa kerei kevaka o ni raici koya se kila e dua nai tukutuku me baleta na vanua e tiko kina mo ni qai veitaratara kina Crime Stoppers ena 919.

I Vurevure: Fiji Police

VITIFM: 92/92.2/92.6 fm