VAKATABUI NA GONE, LAILAI MAI NA YABAKI 18 ME RA VOLI ROKETE DAU KACABOTE ENA DIWALI.
Written by Maria Solomone on October 19, 2022
Vakadeitaka na Matabose i yau bula ena noda vanua,ni na soli tiko na gauna me da na vakacabotetaki rokete kina ena soqo ni Rarama se Diwali,mai na 5 ena yakavi ki na 12 ena bogilevu.
Sega tale ga ni vakatarai vei ira na i taukei ni sitoa ka ra volitaka na rokete dau kacabote ena Diwali me ra volitaka vei ira na gone, ka lailai mai nodra yabaki ni bula ena 18,ka vaka tale ga kina ena kena vakatarai ga me vakayagataki mai na 5 ena yakavi ki na 12 ena bogi,me vaka ni sa vakalawataki tu ena Explosives Act 1937.
E vakatabui tale ga me vakayagataki na kena eda bulia.
Rau na cakacaka vata ena tikina qo na Minisitiri ni Veivoli/saravanua/veilakoyaki kei na matabose ni yaubula ena kena dikevi me muri vaka vinaka na lawa ni kena marautaki na Diwali ena gauna ni vakacabotetaki rokete.
Na veitabana era volitaki rokete dau kacabote e dodonu me ra laki kauta mai na nodra i volatara ni volitaki rokete mai na matabose ni Yaubula,ka volitaka tale ga na rokete e vakatara,ka vakamatatataki vinaka tu kina na kena i vola tukutuku,ka me volai vakavalagi.
source:fijivillage
VITIFM KAMICA QAI KAJI
