Current track

Title

Artist

Background

VAKATAROGI KA RAU SA VAKASUKAI MAI NA VALE NI VOLAVOLA NI CID ENA BOGI NIKUA O BAINIMARAMA KEI KHAIYUM

Written by on February 14, 2023

Nai liuliu ni Soqosoqo vakapolotiki na Fiji First o Voreqe Bainimarama kei na kena vunivola o Aiyaz Sayed-Khaiyum,e rau a mai vakatarogi ka rau sa vakasukai tale mai na Vale ni volavola ni CID ena bogi nikua.

E a yaco mai o Khaiyum ni rauta toka na 3 na kaloko ena yakavi nikua,ia,o Bainimarama e qai yaco tiko mai ni sa rauta toka na veimama  na 3(3.30pm).

Ni rau sa biubiu ena Vale ni volavola ni CID ni rauta toka an 8 na kaloko ena bogi nikua(8pm),e vakaraitaka kina o Bainimarama ni rau na qai vakatarogi tale tiko ena siga ni mataka,ka ra osota toka na tautuba ni Vale ni volavola ni CID na dau ni veitokoni ni Fiji First ,ka ra kaikaila ena gauna e rau sa curu mai kina ki tautuba,ka wili kina o Semi Koroilavesau, Viliame Naupoto, Faiyaz Koya, Joseph Nand, Viam Pillay, Ketan Lal, Rinesh Sharma , Ridhi Damodar kei Vatis Director Arnold Chanel.

E vakaraitaka na Chief of Intelligence, Investigations and Prosecutions, Acting Assistant Commissioner of Police o Sakeo Raikaci, ni rau a vakatarogi na rua ena vuku ni kena vakayagataki vakatawadodonu ni Vale ni volavola,ka sala muria tiko e 2 na repote duidui ka ratou ciqoma.

VITIFM 92.2FM/92FM/92.6FM

I VUREVURE РFiji Village 

 

 


Reader's opinions

Leave a Reply

Your email address will not be published. Required fields are marked *