VAKAVOTUKANATAKA NA NONA TATADRA EDUA KA LAKI CAKACAKA VAKA MEAT WORKER ENA PACIFIC LABOUR SCHEME KA VAKABULA RAWA E $17,000-00 ME TARA KINA EDUA NONA VALE.
Written by Maikeli Radua on November 18, 2021
Picture credit: Fijian Government Facebook Page.
Esa mai vakavotukanataka o Peni Ramanumanu na nona tatadra me tara edua na nodratou vale vou ni oti na nona vakacegui mai na nona cakacaka e Viti ena vuku ni mate na Covid 19, ka qai vakabula e $17,000-00 ena nona cakacaka tiko vaka meat worker mai Wagga Wagga New South Wales Australia.
O Ramanumanu e cavutu mai na koro o Nakoroivau Tailevu edua vei ira na gone e Viti ka vakau ki Australia me lai cakacaka kina ena yabaki qo.
E tukuna cauravou ni Nakoroivau qo ni bera ni biubiu me gole ki Australia eratou sa veitalanoa vakamatavuvale na i naki levu ni nona lako qo me lai cakacaka i Australia oya me matai ga ni yabaki me na tara edua na nodratou vale vou.
O na raica na i taba ka koto qori era na duidui mai na nodratou vale makawa kina vale vou sa mai tara oti.
Nodratou vale makawa
vale vou sa tara oti.
Picture credit: Fijian Government Facebook Page
E vakabula na i lavo o Ramanumanu ka volia kina na i yaya ni vale ka tara rawa na nodratou vale ena loma ga ni 1 na vula.
Kaya na cauravou ni Tailevu qo, vakadavora ga vakadodonu na nomu ituvatuva, kei na nomu sasaga ka vakanamata kina ka kakua ni vakasabusabutaka na ilavo ena so ka caca wale ka saulevu wale tu ga ka sega na betena.
Vakavinavinakataka o koya na porokaramu ni Money Minders ka vakarautaka o ANZ, ka vuli kina ni se bera ni biuti Viti me lai cakacaka ka vukei koya sara vakalevu ena nona vakabula ilavo mai Australia me baleta nona i tuvatuva mena tara nodratou vale e nakoro.
Ea cakacaka tu vaka Sales Rep o Ramanumanu e Nausori ni bera ni mai vakacegui ena vuku ni mate na Covid 19.
Kena i tukutuku matata rogoca mai ena Vitifm 92.2FM/92.6FM/92.0FM
