VAKILAI NA CAGI KAUKAUWA KEI NA TAU BI NI UCA.
Written by Maikeli Radua on August 5, 2023
Fiji Metereological Services
E sa veivakasalataki na Tabana ni Draki mai Nadi ni da na vakila tiko na na cagi kaukauwa ena vanua mamaca ena Yatu Yasawa, Mamanuca,Lau,Lomaiviti,Kadavu,Vatulele, kei na veiyanuyanu lalai era volekata,baravi ni Ceva kei na Tokalau kei Viti Levu, ( Nadroga-Navua-Nasinu-Korovou-Rakiraki), Cakaudrove,Ceva kei Bua,Tokalau kei Macuata,Taveuni kei na veiyanuyanu lalai era volekata.
Ena vakilai tale tikoga na kena na veitubuyaki tiko na Ua lelevu mai na noda veiwasawasa ka laki vakavuna na kena luvu na veibaravi ena Ceva-i-Ra kei Viti Levu, me vakatekivu mai Momi ki Natadola yaco sara yani ena Coral Coast.Yasawa kei Mamanuca,Ceva ni veibaravi e Vatulele,Kadavu kei na veiyanuyanu era volekata,Yatu Lau kei na Yatu Lomaiviti.
Navua/Suva kei Nausori: ena vakilai tiko kina na tau bi ni uca kei na lutu ni kurukuru ka na vakilai sara vakalevu na batabata ena bogi.
Sigatoka/Coral Coast: Vakilai na kena liwa kaukauwa na matanicagi na Ceva-i-Cake ka na tiko sara na kena totolo ena 40km/hr – 55km/hr ka na rawa ni totolo sara ena 60km/hr ena so na gauna.
Nadi/Lautoka/Ba: Tau na uca ka na lutu na kurukuru.
Tavua kei Rakiraki: ena baravi kei Rakiraki ena vakilai na kena liwa kaukauwa na matanicagi na Ceva – i – Cake kena kaukauwa ena tiko ena 40km/hr/55km/hr so na gauna ena rawa ni totolo sara me 65km/hr.
Kena i tukutuku matata vakarorogo tikoga mai ena Vitifm 92.2FM/92.6FM/92.0FM/92.4FM
