VEIVAKADEITAKI MAI NA MARAMA KA TAUYAVUTAKA NA SOQOSOQO NA DRUG FREE WORLD FIJI

E vakaraitaka na marama ka tauyavutaka na soqosoqo na Drug Free World Fiji o Kalesi Volatabu ni dua na ka e sega ni tiko e na noda vanua e na gauna oqo,oya na vanua ni veivakarautaki mera qaravi vakatabakidua ga kina na lewenivanua e ra taura vakasivia na waigaga ni veivakamatenitaki, ka sega talega ni tiko e na Saint Giles Hospital e dua na i tuvatuva vakarautaki vei ira na lewenivanua e ra curu tiko kina me baleta na revurevu ni nodra taurivaka vaka sivia na waigaga ni veivakamatenitaki.

E vakaraitaka na veika oqo o Volatabu e na gauna ni Straight Talk kei Vijay Narayan.

E tukuna o Volatabu ni ratou laki veisiko e na saint Giles Hospital e na 2019, me vaka ni ratou ciqoma na i wiliwili levu ni lewenivanua e ra sa tu e na veisaqata ni noda  vanua.