VEIVAKADEITAKI NA MATANITU NI NA RAICA NODRA KUDRU NA NASI-VOSAROGO
Written by Maria Solomone on August 22, 2023
Veitalanoa ena noa na i soqosoqo ni Nasi ena noda Vanua kei na matanitu:photo-fijivillage.com
Vakaraitaka na Minister Vakatawa ni tabana ni Bula Filimoni Vosarogo ni vuqa na kauwai e dau laveti cake tiko mai na soqosoqo ni Nasi ena veiyabaki sa oti, me vaka na nodra bula na nasi, nai tuvaki ni vanua ni cakacaka keina nodra veimaliwai kei iratou nai vakalesilesi e cake ena Ministry, kani vuqa na nodra kauwai e sega ni kauwaitaki tu.
Tukuna na veika oqo O Vosarogo ni oti na kena vakadeitaki ni sa lai sota e dua na timi ni Minister mai na matanitu kei iratou nai soqosoqo ni nasi ena bogi, ena kena rogoci na nodra kauwai.
Esa vakaraitaka na soqosoqo ni Nasi me ratou sa vakacegui na VuniVOLA Tudei ni tabana ni Bula Dr James Fong, Collen Wilson, na Chief Nurse keina Darekita ni Human Resource Joe Fuata.
Vakadeitaka o Vosarogo nia lai sota kei iratou na soqosoqo ni Nasi na vukevuke ni Prime Minister ka Minister ni Lavo Professor Biman Prasad, kei na Minister ni veivakacakacakataki Agni Deo Singh ena noa.
I Vurevure : fijivillage.com
