Current track

Title

Artist

Background

VEIVAKADEITAKI NA MINISTER NI VEIVAKATOROICAKETAKI,RO FILIPE TUISAWAU ME BALETA NA LEQA NI WAI

Written by on March 19, 2023

E vakaraitaka na Minister ni Veivakatorocaketaki,Ro Filipe Tuisawau me baleta na veika era lako curuma na lewenivanua era vakaitikotiko ena tolo ni sala e Suva ki Nausori e na macawa oqo, e vu saraga mai ena kena sega ni tuvani vinaka e dua nai tuvatuva vinaka mai vua na matanitu nei Bainimarama me baleta na tabana ni wai.

E tukuna o Ro Filipe ni dina ni sa tubu na i wiliwili ni lewenivanua era vakaitikotiko ena vei koro vakataoni,ia,ea sega ni dua na cakacaka ea qaravi me baleta na tabana ni wai.

E tukuna talega ni sa vakasalataka na CEO ni tabana ni wai me raica na i yaya ni veiqaravi ni tabana ni wai ka qaravi Suva kei Nausori , ka me vakaraitaka yani ki vua na veika e gadrevi me vakavinakataki kina na nodra qaravi na lewenivanua ka me kua talega ni yaco na veika e ka yaco e na macawa oqo.

E na veisiko tiko o Ro Filipe ki na pamu ni wai mai Waila e na mataka lailai ni mataka , ka na qai lai sota kei i ratou na i vakalesilesi e cake me veitalanoataki kina na i tuvatuva me baleti Suva kei Nausori.

E tukuna talega ni gauna oqo, era tou sa cakacaka tiko na tabana ni wai e na kena vakadrodroi na wai kina veitikotiko kece.

source:fiji village

VITI FM/92/92.2/92.6 .

 

 

 

 

 

 

 

 

 


Reader's opinions

Leave a Reply

Your email address will not be published. Required fields are marked *