VEIVAKASALATAKI TIKO NA TABANA NI OVISA MEDA QAQARAUNI E NA KENA DAU VAKAYACORI NA TALANOA KA OKA KINA NA I LAVO -LILY JAVA.
Written by Mika Qalobula on October 5, 2023
E tukuna na i vukevuke ni Komisina ni Ovisa o Mesake Waqa ni ratou na vakasalataki kemuni tikoga na lewenivanua e na kena vakayacori eso na veitalanoa ka oka tiko kina na i lavo, baleta ni gauna ga e sa vakayali kina e dua na i uma I lavo levu, e na sega ni rawa ni na vakalesui tale mai.
E vakaraitaka tiko o Turaga ni Ovisa Waqa na veika oqo ni oti na kena laveti tiko na kauwai me baleta na founder ni mata-vakabauta ni Kingdom Embassy Church oya o Lily Java e na kena gadrevi me saumi vua na gauna ni nona so-kalou.
E ra taroga talega na lewenivanua se cava e laki vakayacori sara kina vua na marama oqo na veikidavi mai na matanitu koya e vakayacori mai na rara ni waqavuka mai Nadi.
E na so na i yaloyalo e na mona livaliva e vakaraitaka tiko kina o Java e na nona saumi e na $1,500 mera rawa nira semati e na nona vosa ka na sega ni dua kina na kena i sau e na vakalesui tale vei ira.
E sa veivakauqeti tale tiko kina na Tabana ni Ovisa kivei kemuni na lewenivanua e na nomuni vakuwai kemuni mai e na kena soli na i lavo me i sau ni veiqaravi me vaka ni na sega ni na vakalesui lesu tale yani.
I VUREVURE:FIJI VILLAGE
VITI FM:92/92.2/92.6/92.4 FM -E-KAMICA-QAI-KAJI.
