Vesu sara mai Sauca Korea ena nodrau mate e rua na gone e Niusiladi.
Written by Atu Kurumudu on September 16, 2022
Era vesuka na ovisa e dua na marama tina yabaki 42 ka vakabauti ni tinadrau na gone ka rau tawani matemate tu ena dua na kato. Qai kilai ga ena gauna e ratou a laki volia yani kina na kato oqo e dua na vuvale ena dua na vanua ni maroroi iyaya e Niusiladi.
Se bera tiko ni vakaraitaki na yaca ni marama oqo. Tukuni ga ni a vesu ena Lotulevu e Ulsan , Sauca Korea.
Ena veidinadinati ena kedrau maliwa na matanitu e rua – Niusiladi kei Sauca Korea ka vakatokai na ‘extradition treaty’ sa volavola kina o Niusiladi me vakau lesu tale mai na marama oqo me mai saumi taro ena veika sa beitaki tiko kina.
Qai kune ga na yagodrau na gone ni sa boi tiko mai na kedrau oboi mai na kato ka rau tawani matemate koto kina.
source:cnn
