VIEVAKADEITAKI O AMELIA LESUMAI ME BALETA NA NONA VUREVURE NI LAVO

E vakaraitaka na marama yabaki 75  o  Amelia Lesumai ni dua na gaunisala ni rawaka vua e na loma ni limasagavulu  na yabaki sa oti oya na nona dau vakayacora na tuli kuro me i vurevure ni nona rawaka.

E kaya o Lesumai ni nodratou vuli na luvena e rawata saraga mai e  na nona dau tulituli.

E tukuna  o koya ni i sau lailai taudua ni nona i voli e tiko e na $5 kina $20 na dola, ka sa veivakananumi tiko na marama oqo e na bibi ni kena gadrevi meda maroroya na qele, ka me kakua ni benuci baleta ni vurevure ni lavo vei keda.