VINAKA TURAGA NA DAU ROGO MASU-JOJI NASOVA

Kacivaki na yaca i Joji Nasova me lewena na timi ni Viti le yavitu ki na Hong Kong 7s-pc:Fiji Rugby.

Vakavotukanataki na tatadra nei Joji Nasova ni oti na kena kacivaki na yacana me lewe ni timi lewe ya 7 ni noda vanua koya me ratou na matataka na noda vanua ki na sotasota ni HSBC Hong Kong 7s.

Talanoataka o  Nasova ni sa dau nona qaqa ni masu lo tuga ena gauna ni vakaukauwa yago oya me biuti koya na kalou ena dua na vanua koya ena yaga kina na nona taledi, baleta ni dua na gauna dredre ea lako curuma mai ena nona susugi ligaiduataki tuga mai me vaka ni se leqa na marama na tinana ena gauna e se gone kina.

Kaya tale na cauravou yabaki 23 oqo ni gauna e tubu cake mai kina, e dau tatadrataka tuga me dua na gauna mena daramaka na siqeleti vulavula ki na sotasota ni qito lewe ya 7 ka sa vakavinavinaka vakalevu vua na Kalou kei iratou na dau ni veidigitaki ena nona mai kacivi.

Viti ena sota kei Ositerelia ena veimama ni 9 ena bogi ni vakaraubuka mai qo,tarava  kei Canada ni vo e 27 na miniti me 1 ena mataka ni Vakarauwai mai qo i otioti ni qito vakatobu kei Varanise ni vo e 17 na miniti me 6 ena yakavi ni Vakarauwai mai qo.

Na Hong Kong 7s ena tekivutaki ena Vakaraubuka mai qo me yaco ena sigatabu.

Ivurevure : fijivillage.com