VO GA E VICA NAI TUTU ME TAWANI ENA SOTASOTA LEVU NI FIJI BITTER MARIST 7’S
Written by admin on February 7, 2023
Esa vakadeitaka na Peresitedi ni soqosoqo ni Marist Rugby Club o Lawrence Tikaram,ni sa vo tikoga e vica nai tutu me tawani,enai ka 47 ni sotasota ni Fiji Bitter Marist 7’s ena vula mai oqo.
E vakaraitaka o Tikaram ,ni sa tawani kece nai tutu ena wasewase ni Under 21, ia, e rua ga nai tutu esa vo tiko ena wasewase ni marama, ka sa vo tiko e 15 na timi mera na vakadeitaki ena wasewase ni turaga. E kerea tale tikoga o Tikaram vei ira kece na timi era via vola yaca {register} ena sotasota oqo,mera na solia yani na yacadra donu na dauqito, ka kauta vata tiko yani kei ira e dua na valid ID card.
E 40 taucoko na timi era na vakaitavi ena wasewase ni Turaga, e 18 na timi era na veiqati ena wasewase ni Under 21, ka 8 na timi era na vakaitavi ena wasewase ni Marama.
Na sotasota ni Marist 7s ena vakayacori mai nai ka 16 kina ka 18 ni siga ni vula mai oqo.
Vakarorogo tikoga mai ena VITIFM 92.2FM/92.6FM/92FM.
VITIFM-E KAMICA QAI KACHII.
Source-FijiVillage.
