VOLEKA ENA 3,000 NA TIKITE ERA SA VOLITAKI OTI – DRUA KEI CHIEFS

Voleka tiko ni 3,000 na tikite me baleta na nodrau qito na timi ni Swire Shipping Fijian Drua kei Chiefs mai Lautoka sa volitaki oti ni bera ni cava na vula oqo.

Vakaraitaka na CEO o Brian Thorburn ni ratou sa marautaka sara vakalevu na nodra veitokoni tiko o ira na wekada mai na yasayasa Vaka-Ra.

Na timi ni Drua erau na calidi kei Chiefs ena 3 na kaloko ena yakavi ni ka 28 ni siga ni vula oqo ena Churchill Park.

Ia, macawa oqo na timi ni Drua ena calidi kei Moana Pasifika ni vo e 25 na miniti me 5 ena Vakarauwai.

Highlanders ena sota kei Force ni sivi na 7 ena 5 miniti ena bogi ni Vakaraubuka, Crusaders ena calidi kei Brumbies ni vo e 15 na miniti me 10 ena bogi ni Vakaraubuka,, Blues ena qito kei Reds ni sivi na 7 ena 5 na miniti ena bogi ni Vakarauwai, Waratahs ena sota kei Hurricanes ni vo e 15 na miniti me 10 ena bogi ni Vakarauwai, ka rau na qai calidi na timi ni Rebels kei Chiefs ena 4 na kaloko ena yakavi ni Siga Tabu.

SOURCE : FIJI VILLAGE