Voleka sara!
Written by Atu Kurumudu on August 29, 2022
Tabaka e dua na sikoa ko Sione Molia ka kavetani talega ni Niusiladi me kauti ratou yani kina fainala ni Los Angeles Sevens e Carson ka ratou qaqa kina vei Samoa ena 28-26.
Oqo ni oti nodratou a ciqoma e rua na pepa dromodromo kei na nodratou nanamaki yani ena sota kei Viti ena fainala.
Lewa sara tu ga na qito na timi ni Samoa ka ratou mai tabaka rawa kina e tolu na sikoa ena imatai ni veimama mai vei Steve Onosai, Vaa Apelu Maliko kei Uaina Sione ni bera nona lesu mai ena ‘sinbin’ o Akuila Rokolisoa me mai tabaka nai matai ni sikoa vei Niusiladi.
Viti a qaqa vei Ositerelia ena imatai ni semi fainala ena kai 29-10.
Nanuma , rawa niko rogoca na kena kaburaki na fainala ni LA-7’s ena Vitifm ena veiqaravi nei Mere Moto kei Fredrick Raiwalui ena 12.28pm.
source:stuff.co/vitifm
Reader's opinions
Continue reading
