YABAKI 26 NA VITIFM ENA NONA VEIQARAVI E VITI KEI VURAVURA.
Written by Maikeli Radua on November 1, 2022
Photo: File image
Ena i matai ni siga ni vula o Noveba edai, sa mai yabaki 26 kina na nomuni valeniwalesi na VITIFM 92.2FM ena nona vakamarautaki keda voli na lewenivanua e Viti kei vuravura taucoko.
E a dolava na nona veiqaravi na VitiFM e Viti ena i matai ni siga ni vula o Noveba ena yabaki 1996.
Au talanoataka ga eso na ka au bau nanuma rawa toka ka yaco ena siga ya:
- Era a mai dolava na Prime Minister ena gauna oya o Major General Sitiveni Rabuka.
- Na i matai ni sere me vakatagitaki kina na sere nei Laisa Vulakoro: Edua na siga au vakanananu.
- Nai matai ni tukutuku ni veivoli me kaburaki kina na i tukutuku ni veivoli nei Burns Philip ka sa Courts tiko ena gauna qo.
- Na i matai ni sotasota ni rakavi me kaburaki kina oya na nodrau sota na timi ni Viti kei na Nz Maori ka se veiqaravi voli kina o Graham Eden ena gauna oya.
Qo o ira na isevu ni turaga kei na marama era a mai veiqaravi ena VitiFM ena yabaki 1996:
- Mere Lomaloma ( Program Director RIP)
- Vuli Salusalu ( Vakacabesiga)
- Ulamila Cakau ( Wase ni gauna ni Vakatawa)
- Jokatama Qio ( Wase ni gauna ni Vakadromusiga)
- Unaisi Vunidakua ( Wase ni gauna ni Bogi kei Iko)
- Maikeli Radua ( Wase ni gauna ni Caucau ni Bogi)
Ratou a mai cakacaka vagauna o Mili Tuinaosara, Sala Koroi, Saimoni Camaitoga kei Eliki Sukulu ( RIP).
Sa levu sara na veiveisau e lako curumi ena loma ni veiyabaki ena veika vakalivaliva, kei na i vakarau ni veiqaravi me sotava na veika e kauta mai na veisau ni gauna.
Au taura na gauna vinaka qo meu vakavinavinakataki kemuni na lewenivanua dauvakarorogo yalodina ena VitiFM, kerea talega na nomuni veivosoti ke so na ka e sega ni qaravi kemuni kina vakavinaka na nomuni valeniwalesi na Viti sa kerei na nomuni veivosoti.
Vakarorogo tikoga mai ena Vitifm 92.2FM/92.0FM/92.6FM
