Current track

Title

Artist

Background

BEITAKI ENA LABA EDUA NA CAURAVOU YABAKI 26 MAI KOROIPITA LAUTOKA.

Written by on February 22, 2023

Photo: File Image.

Esa mai beitaki edua na cauravou yabaki 24 ena dua na cala ni labata edua na cauravou yabaki 22 mai na koro o Nabouciwa ,Nakelo, Tailevu.

Vakaraitaka na Chief of Intelligence, Investigations and Prosecutions Acting Commissioner of Police Sakeo Raikaci, ena nodratou cakacaka vakaukauwa na Disional Crime Officer Eastern kei na levu ni tukutuku ratou vakasokumuna e mai vesu ka beitaki rawa kina na cauravou yabaki 24 qo mai Koroipita Naikabula, Lautoka.

Laurai na cauravou yabaki 22 qo ni a dabe toka ena dua na i dabedabe ena mata ni dua na Supermarket mai Nausori ena i ka 20 ni Okotova 2022 ka laurai talega vua eso na mawe ni mavoa ka cicivaki sara yani ena valenibula mai Nausori.

Oti nona dikevi mai na valenibula mai Nausori e a qai cicivaki sara yani ena valenibula levu e Suva na vanua ka qai laki leqa kina.

E sa beitaki na cauravou yabaki 24 qo ena dua na cala ni laba ka na rairai tiko ena mataveilewai mai Nausori nikua.

Na kena i tukutuku matailalai vakarorogo tikoga mai ena Vitifm 92.2FM/92.6FM/92.0FM.


Reader's opinions

Leave a Reply

Your email address will not be published. Required fields are marked *