NANAMAKI TIKO KI NA 2023 SHOP N SAVE SUPER RUGBY PACIFIC KO MICHAEL HOOPER
Written by Losena Seru on February 22, 2023
Nanamaki tiko na Flanker ni Waratahs ka kavetani tale ga ni Wallabies ko Michael Hooper,me na qito tale ena sotasota ni 2023 Shop N Save Super Rugby Pacific.Na timi ni Waratahs e rau na calidi tiko kei na timi ni Brumbies ni vo e 25 na miniti me 9 na kaloko (8:35pm) ena siga Vakaraubuka sara ga oqo.
Vakaraitaka o Hooper ni sa namaka tale tiko me na vakavoutaka tale na nona kila ni qito,ni oti e dua na yabaki ni nona vakacegu voli ena vuku ni mavoa e a tarai koya tu.
Namaki me rau na qito tale tiko ga ena timi ni Waratahs ena siga Vakaraubuka oqo,o Nemani Nadolo kei Mark Nawaqanitawase.
Ia,na noda mata timi ni Swire Shipping Fijian Drua,e rau na calidi tiko kei na timi ni Moana Pacifika ena rara na Mt Smart Stadium,e Okaladi,ni vo e 25 na miniti me 4 na kaloko(3:35pm),ena yakavi ni Vakarauwai sara ga oqo.
Source:FijiVillage
