Cava e dodonu me cakava na timi ni Sikoteladi me vadavora kina na timi ni Sauca Aferika.
Written by Atu Kurumudu on September 5, 2023
Rawa nida kaya ni ratou ‘underdog’ na timi ni Sikoteladi ena kena namaki na nodrau sota kei na timi jabeni ni noda vuravura na Springboks. E ratou na saga saraga me ratou na vakacacana se vakadaroya nai naki nei Sauca Aferika.
Era kaya na dau vakamuria na rakavi ni rawa vei Sikoteladi me vakadavori Sauca Aferika kevaka me ratou na kauta tani mai vei Aferika na nodratou i vakarau ni qito. Oya me lailai ka totolo na nodratou ‘ruck’ , ratou qito taka na raba ni rara ka kena ikuri na kena caqeti tiko polo ena vei tutu ni rara kei na ituvatuva cava e ratou na saga me ratou na qito kina.
Dodonu mena kakua ni qitora vakalevu na ‘phase play’ na timi ni Sikoteladi ni rawa me ratou na sogosogo mai na laini ni tataqomaki ni Aferika ka rawa me ratou na tagavi yani mai vei ratou na yatu i liu ni Sauca Aferika. Dua talega na tikina bibi oya me ratou na saga me ratou maroroya vinaka saraga na polo na timi ni Sikoteladi ka kakua ni ratou solia vakarawarawa.
Ia, kevaka me ratou na yavala ka vakayaco lomadratou na Aferika me vakataki Malcol Marx, Duane Vermuelen kei Sia Kolisi , ena dua dina na qito dredre vei Sikoteladi.
source:RugbyPass
