CAVA NA CAKACAKA NI VAKAVINAKATAKI NI WAVU E NAQARAWAI-DOLA NI MATAKA
Written by Maria Solomone on February 28, 2024
Vakavinakataki ni wavu lili e Naqarawai,Namosi – pc:fiji govt.
Sa mai vakacavari na cakacaka ni kena vakavinakataki na wavu lili ena koro ko Naqarawai ena yasana ko Namosi.Ka namaki me sa na dola tiko ena Lotulevu ni mataka.
Wavu lili e Naqarawai,Namosi :pc-fiji govt.
E mai tekivu rawa na cakcaka bibi oqo ni oti na nona dodoliga vakailavo na matanitu o Jaina, sala muria tiko na nodra veitalanoa na Minisita ni Veivakavaletaki ko Hon. Maciu Katamotu Nalumisa kei ira nai vakalesilesi mai na matanitu ko Jaina.
Na kena vakavinakataki na wavu qo e taura ga e walu na siga,Moniti ki na Lotulevu ena loma ni rua ga na macawa.E ratou lewe tolu na gone ni naqarawai e soli vei iratou me ratou liutaka na cakacaka qo…Isimeli Sautakelo, Sakiusa Yavala, Mosese Lomani,era veivuke na lewe ni koro,na gone e naqarawai ,turaga kei ira na marama na vakasasaqa.
pc:Ms Amelia Makaba.
Ko Naqarawai e sivia e 200 na lewe ni koro era vakaitikotiko kina, ka sivia e 30 na kena gonevuli. Oqo ko ira era na vakayagataka tiko na wavu lili ena veisiga.
Ivurevure:Fiji Government
Vakarorogo tiko ga mai ena VITIFM.
