ERA MARAUTAKA NA LEWE NI KORO MAI VUNAMOLI NA NODRA WAVU VOU.
Written by Mika Qalobula on February 28, 2024
E a mai dolavi e siga nanoa na nodra wavu vou na lewe ni koro o Vunamoli,ena loma ni Tikina o Nasesevia,ena yasana vakaturaga o Ba,ka koto na koro qo ena loma ni colo kei Nadi.
Na wavu vou oqo,sa na qai veivuke sara ena nodra veitosoyaki ena loma ni koro me vaka ni davo sara tu ga e dua na uciwai donuya na nodra loma ni koro,ka dau luvu vakawasoma ena gauna e dau tarai ira kina na draki suasua ena vuku ni tau bi ni uca,ka dau vakadredretaka na nodra veitosoyaki.
E a laki dolava na wavu vou oqo nai Vukevuke ni Minister ni Veivakavaletaki ena taudaku ni vei koro lelevu, Veivakatroicaketaki ena Veiyanuyanu kei na Tabana ni leqa tubukoso,Hon. Jovesa Vocea,ka sa dua na ka marautaki vei ira na lewe ni koro ena kena sa sotavi na nodra leqa,ka ra a dau sotava tu mai ena vica vata na yabaki sa oti.
E totoka talega nai rairai ni vanua ena loma ni colo kei Nadi,ka drokadroka vinaka tu na kena veitokaitua.
.VITIFM 92.2FM/92FM/92.6FM/92.4FM – E KAMICA QAI KACHI!!!
I TABA – KEVUELI LODONI.
