CAVU I SAUSAU I SOLOMONE CAVUNISAUTU NAIDUKI

E sa mai cavu i sausau ena yabaki oqo, o Solomone Cavunisautu Naiduki,na cauravou ni Matacula,ena tikina o Namalata e na Vualiku mai  na Tailevu,ni sa mai kena i sevu ni cauravou mai na nona dela ni yavu,me matataka na mata timi qaqa ni Hurricanes ena sotasota ni Super Rugby.

O Naiduki e vuli mai na koronivuli na Ratu Kadavulevu Schoool mai Lodoni,ka lewena na mata timi qaqa ni Un-18 ena 2018,ka ratou rawata kina nai cocovi ni Deans ena yabaki vata oya.

E na 2019,e a qai sainitaka e dua na nona konitaraki e Ositerelia ena vuku ni qito rakavi saumi ka laki sotava sara kina na nona sui ni sarisari,e dua na gone yalewa ni Samoa ka vasu  Maori mai Niusiladi,ka mai 2 kina na nodrau i solisoli.

Ia,ena yabaki sa oti,e ratou sa qai mani nanuma me ratou sa toki sara yani kina ki Niusiladi,ka mani kalougata sara kina ni laki rawata sara  o Naiduki  na Konitaraki ni Qito ena mata timi ni Hurricanes, ena  sotasota ni Super Rugby.

E na dara tiko o Solo na siqaleti naba 11 ena yakavi ni mataka ena nodrau na sota tiko na mata timi ni Hurricanes kei na mata timi ni Qaqa ni Crusaders.

Na nona lewe ni vuvale ena mataqali o Natabutale,ena Yavusa ko Nawaibuta,kei ira mai na nona koro ni vasu mai Yaroi mai Savusavu,era sa namaka tu me ra sa na saravi koya ena yakavi ni mataka.

VITIFM 92.2FM/92FM/92.6FM.

VITIFM – E KAMICA QAI KACHI!!!