DUAVATA NA FIJIAN COMMUNITY MAI HASTINGS NIUSILADI ENA NODRA SIKOVI NA NODA MAI KEA
Written by admin on February 16, 2023
Ena siga nikua era duavata kina luvei Viti kei na Peresitedi ni Fijian Community era vakaitikotiko ka qaravi tavi tu mai ena vanua levu ko Hastings mai Niusiladi,ena nodra laki sikovi na cauravou era veiqaravi tu ena ruku ni porokaramu na NEC,ka ra tiko voli ena Evacuation Center e Hawke’s Bay,ka sala muria tikoga na kena ravuti ira na cagilaba o Gabriel,kei na kena se vakila tiko na ualuvu ena gauna qo.
Ia,ena gauna oqo eratou sa leqa e 5 na lewenivanua mai kea,ka wili tiko kina edua na gone ka ratou vakaraitaka na Tabana ni Ovisa ni rauta e 100 na lewenivanua era se qaravi tiko na gauna oqo vei iratou na tabana ni bula,ka 9,000 na lewenivanua era sa vakagalalataki mai ena nodrai tikotiko ena vuku ni waluvu e Hawke’s Bay,ka maliwai ira tale tikoga e vuqa sara na noda gone i taukei.
E se boko tale tu ga na livaliva ena vanua ko Wairoa,ka sa lailai tikoga na kakana kei na waiwai ni motoka,ka 10,000 na lewe ni vanua e se boko tu ga na nodra livaliva ,ka vaka kina na vanua ko Napier,ka namaki tiko me sa na vakilai kina na kena sa sega ni vakadrodroi yani vei ira na livaliva.
VITIFM 92.2FM/92.6FM/92FM.
VITIFM- E KAMICA QAI KACHII.
I VUREVURE-HAWKE’S BAY TODAY NEWS
Reader's opinions
Continue reading
