CONGRATULATIONS -‘CAKAU NI MANA KEI ULUINAVIRIVIRI’ NABA 1 ENA ENA TUVA SERE 100 NI 2021.

Na matasere na ‘CAKAU NI MANA KEI ULUINAVIRIVIRI’,e ratou cavutu mai na koro vakaturaga o Tawake,ena tikina o Tawake mai Cakaudrove ,ka liutaka tiko o Joseva levu.E ratou lewena tiko matasere o Pita Rokolaqe,Ilaisa Tale,Ilaitia Naceva,Timoci Vakasiri,Osea Tuqovu kei Taufa Vakamino,ka ratou gone kece ga mai na Tikina o Tawake.

E sa 6 taucoko na nodratou katokatoni,ka ratou sa cakacaka tiko oqo enai ka 7 ni katokatoni ena yabaki oqo,ka se tavocI sara nai matai ni nodratou katokatoni ena 2015.

‘NI DAU TUKUTUKUNI TU NA DODOMO’,e dua na nodratou sere ena i ka 6 ni katokatoni ka levu sara era taleitaka,ka  mai taura sara nai tutu lagilagi ni naba 1, ena tuva sere 100 ni 2021 ena VITIFM,ka ratou mai liga batabata kina ena $500.

Na sere oqori e talanoataki kina e dua na talanoa dina ni dua vei domoni ka a qai mai kavoro,ena nodrau saga me rau bucina e dua na vuvale, e dua na gone yalewa ni Cakaudrove  kei na dua na cauravou ni Tailevu.E rau sa sota mai Labasa na lewe rua qo ka bucini kina na veidomoni oqo,oti sa ratou mani gole i valagi na vuvale nei cauravou ena vuku ni veikacivi ni cakacaka vei rau na nona i tubutubu,ka sa mani lako talega kina na cauravou ni Tailevu oqo.Rau sa veitataunaki ka sa kerea o gone yalewa me rau sana cava i kea,(Break), baleta ni rau sa na veiyawaki sara,ia ka qai tukuna vua o cauravou me kua,ka me waraki koya tikoga

.Sa dede sara na veibiu,sa rogoca o goneyalewa ni sa laki vakawati na nona cauravou ni Tailevu oqo,ka sa vakamosia sara ga na yalona, me vaka ni a sevuta na nona veidomoni.Ni oti e 7 vakacaca na yabaki,ena dua na nona gade mai ki Viti o cauravou,rau qai mai sota vakasauri ena City levu oqo o Suva,rau mani veivakabulataki ka rau rai lesu ena i tekivu ni nodrau veidomoni,ka yaco sara me kerea o cauravou,me se rau vakadua tale mada,ia,a qai tukuna o gone yalewa,’ISA SA NA SEGA NIKO SA VAKAWATI”.

Qai vakarorogo mai kina VITIFM 92.2FM,92FM kei na 92.6FM