CAVA NA TUVA SERE NI TOP 100 OF 2021 ENA VITIFM.
Written by Maikeli Radua on January 1, 2022
File Image
Sa mai cava toka ena bogi na tuva sere ni yabaki na TOP 100 OF 2021.
Dua na cakacaka dredre na tuvana na veimatasere e 100 me vaka ni ra sa matasere rogorogo vinaka kecega, ia keitou vakavinavainaka na nomu veivuke na dau vakarorogo ena nomuni vakaitavi mai ena kena digitaki na matasere ena i tutu e 3 mai na naba 1, 2 kei na naba 3…e vakarawarawataka saraga na neitou cakacaka.
Mai cava na tuva sere ena bogi sa i koya qo na veimatasere eratou mai dabe ena veta e cake ni tuvatuva naba 1, 2 kei na 3.
Naba 1 qori: Ca’au ni Mana ‘ei Uluinaviriviri ena sere – “NI DAU TUKUTUKUNI TU NA DODOMO”
Naba 2 qori: Voqa kei Munia ena sere – “TAVAKA”
Naba 3 na matasere na: Cagi ni Delai Yatova ena sere – “CIQOMI AU”
E mai soli talega na i lavo levu e $500-00 kina matasere ka mai naba 1 oya na Ca’au ni Mana ‘ei Uluinaviriviri, ka soli talega e $200-00 vei Salanieta V Raibe ni a mai kila donu na matasere e naba 1.
Na vakavinavinaka levu talega kina veikabani ka ra veitokoni vakailavo CK’s SUVA BARGAIN/ DB BEER kei ASHABHAI/DIGICEL – 20TWENTYYOU.
Vakarorogo tikoga mai ena Vitifm 92.2FM/92.0FM/92.6FM ena yabaki taucoko qo 2022 ena levu sara na veisolisoli vivinaka o na vakaivotavota kina.
