DIGITAKI ME KAVETANITAKA NA TIMI NI SWIRE SHIPPING FIJIAN DRUA O NEMANI NAGUSA.
Written by Maikeli Radua on January 21, 2022
Nemani Nagusa…Picture: Fijian Drua
Esa mai digitaki o Nemani Nagusa me sa na kavetanitaka na noda matatimi ni Swire Shipping Fijian Drua ena sotasota ni Super Rugby Pacific ka na tekivu tiko ena vula mai qo.
Sega ni kavou vei Nagusa na i tutu va kavetani baleta ni a sa kavetanitaka oti na Timi ni Fiji 7’s Team kei na Fijian Warriors.
Tukuna o Nagusa ni dua na dauqito rakavi ka dau raica cake tu o koya oya o Richie Mckaw mai na timi ni Crusaders, ka ni dua talega na timi ka dau raica cake tu o koya ena sotasota ni Super Rugby oya na timi ni Crusaders.
Na timi ni Swire Shipping Fijian Drua ena qito tiko kei na Timi ni Waratahs ena i ka 18 ni Veverueri ena 8:45pm ka na vakayacori na qito mai Sydney.Ena mai dua tale tikoga nodratou qito ena noda vanua kei na timi ni Highlanders ena i ka 30 ni Evereli ena ANZ Stadium e Suva.
Kena i tukutuku matata o na rogoca tikoga ena Vitifm 92.2FM/92.6FM/92.0FM.
