TEKIVU NA VULI VEIKEMUNI NA GONEVULI ENA YEAR 8 – YEAR 13 ENA MONITI.
Written by Maikeli Radua on January 21, 2022
Minister for Education Premila Kumar.
Sa na tekivu tale na vuli veikemuni na gonevuli ena Year 8 – Year 13 ena Moniti ni macawa mai qo na i ka 24 ni Janueri 2022.
Vakaraitaka na Minisitiri ni Vuli ni na rawa ni railesuvi tale na tikinisiga qo ke na mani dua na veisau ni draki.
Sa kerea na Minisitiri ni Vuli meda vakaitavi na i tubutubu, dauniveisusu,qasenivuli,liuliu ni veikoronivuli kei na lewenivanua taucoko ena nodra taqomaki na gone ena nodra sa na lesu tale qo ki vuli.
Kevaka e tauvimate tiko o luvemu ka se sega ni bula vinaka sa kerei me se tikoga mada ga i vale o luvemu.
Koronivuli kece sa ra vakarau tu mera dola vakavo ga na koronivuli na Maramarua District School me vaka ni se vakayagataki tikoga me i drodro ena gauna qo.
Vakarorogo tikoga mai ena VitiFM 92.2FM/92.6FM/92.0FM ena kena na kacivaki tale yani na tikinisiga ena tekivu kina na vuli vei ira tale na vo ni veikalasi ya mai na Early Childhood kina Year 7.
