“E DODONU MEDA SA VOROKA NA VAKATATABU KEI NA BIBI NI KENA DAU TALANOATAKI NA TIKO VATA SE NA VEIYACOVI”-REVEREND BHAGWAN
Written by Mika Qalobula on July 27, 2023
Sa vakaraitaka na Vunivola Tudei ni soqosoqo ni Pacific Conference of Churches Reverend James Bhagwan ni dodonu meda veitalanoataka,ka veiwaseitaka ena noda veitikotiko kei na vei mata-vakabauta na veika me baleta na bula ni Veiyacovi, ka sega ni dodonu me dua na ulutaga mena vunitaki tiko ena veigauna.
E kuria na nona itukutuku ka kaya o Reverend James Bhagwan,na veika oqo ni oti na nona vakatarogi mai veiratou na neitou tabana ni irogo na fijivillage,se cava ena rawa ni cakava na Lotu me vukea na kena vakalailaitaki na iwiliwili ni kisi ni HIV/AIDS ena noda vei-tikotiko.
Ia e tomana na nona itukutuku o Reverend Bhagwan ni sa oti oqo e 20 na yabaki na nona saga tu mai na Pacific CONFERENCE of Churches me vakararamataki ira na Gonevuli,ka era lako curuma na nodratou taba ni veiqaravi na veika mera na vakavulica ka wasea vei ira na lewenivanua.
E vakaraitaka talega o koya ni sa tu vakarau tale tu ga na nodratou tabana ni veiqaravi mena veitokoni kei na Fiji Council of Churches kevaka e ratou gadrevi vaka kina.
VITI FM 92/92.2/92.4/92.6 FM-E KAMICA QAI KACHI!
I VUREVURE-FIJI VILLAGE.
