‘Future NRL star’: Sega ni dua e tao e matana.
Written by Atu Kurumudu on July 27, 2023
Vaka e kama na veigasau na kena cawiri ena mona livaliva nai yaloyalo me baleta e dua na cauravou lailai ka vaka e vakacola-ua tu vei ira na nona i tokani ena sotasota ni Queensland junior rugby league.
Na iyaloyalo lekaleka e a biuta cake o tamani gone. Na yaca ni gone o Fou ka se qai yabaki 6 , ka laurai ni gone levu duadua kei na nodra saga dredre mera vakadavori koya ena gauna a laki tabaka kina e dua na sikoa.
Vica na cauravou midimidi mai yasana kadua e riba ga na nodra i vesu ka so era kana kuvu ena nona biliraki ira o Fou ena igolegole kina laini ni sikoa.
Ia , levu era sega ni duavata ena veika e vakayacora o Fou me vaka era vola ena mona livaliva.
Kaya o tamana ni se qai imatai ni yabaki me qito kina o Fou ka a tosoi mada ga mai na under 6 kina under 7.
Vola o tamana ka kaya ni nona dau qito vata kei ratou na tuakana o Fou kei ira na tavalena e vukei koya sara vakalevu nona sa mai qito oqo. Kuria ka kaya ni sega ni biuti ira ira na vo ni gone ka ni doka vakalevu na nodra saga mera vakadavori Fou. Sega ni duavata kei ira era volavola tiko ena mona livaliva o tamani gone ni sa rui gone levu ka vavaku o Fou.
E tomana ka kaya nira sa sega ni via soli ira na luvedra na itubutubu kevaka era kila ni qito mai yasana kadua o Fou.
Kaya talega o koya ni – O ira na gone era na gone tikoga , kana sega ni ciqoma e dua na vosa me tukuni kina ni sa rui ka-levu na luvena. Kevaka era sega ni taleitaka na iwalewale ni qito nei Fou e dodonu mera cakava kina e dua na ka , se vakavulici ira na dui luvedra ena veivesu [tackle] ka me kua ga ni levu tiko nodra vosa.
Vakaraitaka talega o tamai Fou ka vaka , eda na sega ni rawa ni tukuna vua e dua na cauravou daucici me vakamalua ena vukudra na gone berabera se cava na vuna me tukuni kina vua e dua e kalevu me qito vakamalua vei ira na ka lalai.
Ena dua tale na yasa ni veitalanoa , vica era vola ka kaya – Good on him…future NRL star in the making , future Kangaroo,
“He looked like he was gonna go for the ref for a second,” joked another.
source:news.com.au
