VAKARAITAKA NA I VUKEVUKE NI PRIME MINISTER O BIMAN PRASAD NA NODRA GAGADRE NA LEWENIVANUA E RA VAKAITIKOTIKO MAI BATIRI KEI NA VEIVANUA E VOLEKATI DREKETI

E vakaraitaka na i vukevuke ni Prime Minister ka Minister ni Lavo o Biman Prasad na nodra gagadre na lewenivanua e ra vakaitikotiko mai Batiri, Muanidevo kei ira na i vakatikotiko voleka mai Dreketi ,e na vuku ni leqa vakalivaliva, leqa ni kena vakadrodroi ni wai, na vakavinakataki ni nodra koronivuli kei na dua na vanua ni maroroi ni yago ni mate mai Dreketi, ka vaka kina e dua na sala ki na nodra veiteitei kei na kena dolavi na katuba ni cakacaka vei ira na nodra I tabagone kevaka e ra gole mai ki Viti Levu se ki vanuatani.

E tukuna o Prasad ni ra  laveta tiko mai na lewenivanua oqo e na gauna e vakayacori tiko kina na veitalanoa se na National Development Plan consultations mai Dreketi. E tukuna kina na turaga ni koro mai Batiri o Viliame Bulilevu ni sa vaka me guilecavi tu na nodra gaunisala koya e sa tuvaki tu vaka ca e na vica na yabaki sa oti.