SERE VOU-DFHC-MALUMU NI TOBU KEI NAIVAUKURA

MALUMU NI TOBU KEI NAIVAUKURA–Oqo na Matasere ka kena iliuliu tiko o Jio Vetaukula,ka Cavutu mai na koro ko Nasau,Koro mai Lomaiviti,ka vuqa sara nona Sere e taleitaki tu ena gauna oqo me vaka na (i lavo ni Assie i lavo mosimosi,paodi ni Igiladi i lavo kajikaji)

DIVINE FIJIANS HOME CARE(DFHC)–Oqo e dua na kabani mai na vanua levu o Amerika,ka cicivaka tiko e dua na Turaga Itaukei ka yacana o Poasa Koroitamana.

O Poasa Koroitamana e cavutu mai ena loma ni koro vakaturaga o Lomati,Matuku mai na Yatu Lau,ka cicivaka tiko na kabani oqo mai na City levu o California mai Amerika,ka sa taukena talega e vica na Property lelevu mai kea,ka tukuni na kena i talanoa ni tauyavu o koya ena dela saraga ni sega.

Na Kabani oqo e a laki dolava na Turaga na Prime Minister o Sitiveni Rabuka ena dua na nona siko yani e kea,ka sa 6 tiko na yabaki na kena veiqaravi voli tiko mai.

E sa dau vakaliuca tuga na Kalou levu mai Lomalagi ka vakabauta ni koya duadua ga e soli vua na vuku kei na kila ka,na yalomatua kei nai yau,ka sega vakadua ni guce na nona dau vakararavitaka na nodra bula na nona tamata cakacaka,me vaka ni sa vakila tu ena gauna ni kua na vinaka kei na talei ni loloma ni Kalou.

VITI FM 92FM/92.2FM/92.6FM-E-KAMICA QAI KACHI

I VUREVURE-JIO VETAUKULA