KAMA YAVU NA VALE NEI TALATALA MAI MATACAUCAU E TAILEVU

E mai kama yavu ena mataka caca nikua na nodra vale na Turaga nai talatala ni Tabacakacaka o Waimaro,ka tiko ena loma ni koro vakaturaga mai Matacaucau,Namalata mai na Vualiku kei Tailevu.

Na Turaga nai Talatala e tiko voli qo e Suva e na vuku ni kena vakayacori tiko e BOSE KO VITI,ka ratou vakatawa tiko ena nona vale na nona i lawalawa ni masumasu(Mission Team).

E tukuni na kena i tukutuku,ni ratou  masumasu sara tu ga ka rauta toka na 1 na kaloko ena matakalailai.ka ratou sa boica na karasini ena rumu nei Talatala,ka ratou lako yani me ratou laki raica,ka ratou qai kidacala ni sa yameyame mai na rumu,ka mani kama yavu vakadua sara ga kina.

E sega ni dua na bula e mai kau tani ka sega talega ni dua nai yaya e maroroi rawa me vaka ni yaco sara tu ga ena mata caca,ka kidacalataki na veika e mai yaco oqo,ka se tomani tiko na veivaqaqai mai na Tabana Ni Bokobuka kei ratou na Tabana ni Ovisa.

VITIFM 92.2FM,92FM,92.6FM,92.4FM – E KAMICA QAI KACHIII!!!

I VUREVURE -Ñx Erē 

I TABA – Ñx Erē