VAKAYAGATAKI O IRA NA GONE ENA KENA VOLITAKI NA WAIGAGA NI VEIVAKAMATENITAKI- ACP DRIU.
Written by Mika Qalobula on August 29, 2023
E ratou sa kaci tiko na Tabana ni Ovisa kivei kemuni nai tubutubu kei na dau ni veisusu,ena nomuni yadrava tiko na veika era vakayacora tiko na nomuni solisoli,ka vakakina na kena yadravi na duidui tamata era dau veimaliwai kaya ena veisiga,ka sala muria na kauwai e tiko ena nodra veivakayagataki tiko na dau-vakayagataka na waigaga ni veivakamatenitaki vei ira na gone,ka me ra dau i dewadewa tiko ni kena volitaki na veika oqo.
E vakaraitaka o ACP Driu na nona i tukutuku oqo,ni veika oqo e vakasokumuni rawa mai ena gauna e ratou vakayacora kina na nodratou veivakaqaqai ena veivanua eso era dau volitaki kina na waigaga ni veivakamatenitaki,ni ra sa vakayagataki tiko na luveda ena cakacaka vakadomobula oqo.
E tukuna talega ni so vei ira na gone oqo,era rawai enai lavo e soli vei ira ena nodra volivolitaki, ka buwawa vei ira na veika ena kauta mai ena nodra veisiga ni mataka.
VITIFM 92/92.2/92.4/92.6FM-E KAMICA QAI KACHI!
I VUREVURE-FIJI VILLAGE.
