KIDAVAKI NA HALF BACK NI ALL BLACKS ME LEWENA NA TIMI NI WALLABIES

E mai kidavaki o Taware Kerr Barlow na half back i liu ni mata timi ni All Blacks mai vua na Dauniveivakatavulici ni mata timi ni Ositerelia o Dave Rennie ena nona sa na daramaka na siqeleti  dromodromo ni Wallabies.

Na cauravou yabaki 32 ka qito tu mai Varanise ka vakaraitaka nona i tukutuku ni gadreva ka yalona me matataka na matanitu ka sucu kina. Eya sucu o Kerr-Balow mai Melbourne ka susu , tubu cake mai Darwin. Na marama na tinana e ya lewena talega na mata timi ni Wallaroos  ena mid 90s.

Ciqomi rawa na i tukutuku ni ratou toki e Hamilton, New Zealand ena gauna e se qai yabaki 13 kina. Vakaitavi vaka 29 ena mata timi ni All Blacks o Kerr ka veivuke talega ena kena laveti na Webb Ellis Cup ena yabaki 2015 ena sotasota ni vuravura.

Vakadeitaki ena lawa ni rakavi ni noda vuravura ni rawa ni ra vakatarai na dauqito mera toso kina dua tale na timi mai na dua tale na matanitu ni oti e 36 na vula na nodra sega tu ni vakaitavi se qito ena dua na vanua. E rawa talega kevaka e sucu mai na matanitu e via laki matataka ya , se nona qase mai na matanitu ya.

Vakaraitaki  ena i tukutuku ni gadrevi me vakaitavi rawa ena Australian Super Rugby o Kerr ka tukuna o Dave Rennie ni vakabauti koya kevaka ena via daramaka na siqeleti ni Wallabies. E gone vinaka ka tukutuku marautaki me dua na cauravou mai na mata timi ni All Blacks me mai lewena na timi ni Wallabies. E ratou tiko ena i tutu ni half back ena gauna qo o Nic White, Tate McDermott, Jake Gordon ka lewena tale tiko ga na timi.

E sega ni taleitaka na Dauniveivakatavulici ni All Blacks o Ian Foster na veisau mai vakayacori oqo ka na sega ni rawa ni caka kina e dua na ka me vaka ni ”lawa ena lawa ga”. E i sevu ni gone o Kerr me na vakaitavi ena rua  na tier-one nations.