Mate e 900 vakacaca ena taubi ni uca kei na ualuvu e Pakistan.
Written by Atu Kurumudu on August 26, 2022
Rauta ni 903 na leweni vanua mai Pakistan era mai leqa ena vuku ni ualuvu ka vu mai na taubi ni uca. Vuna me sa kere veivuke kina ki vuravura taucoko na matanitu oqo ena levu ni vakacaca sa mai yaco. Vei ira na mai leqa oqo , 326 era gone lalai.
Udolu vaka oba sa sega tu na nodra vale , sega na kakana ka sa ikuri tu ni leqa kina matanitu se mera na qaravi vakacava. Tukuni talega ni cavuka na gaunisala ni veitaratara ena talevoni .
Oqo e Lasbella, Pakistan’s ena Ceva-I-Ra kei Baluchistan province, Tuesday, July 26, 2022. (AP Photo/Hamdan Khan)
Vakilai tiko vakalevu na uca bi ka vakatokai na ‘monsoon rains’ me tekivu sara mai na Jiune ka vuna na ualuvu ka sa tarai ira tu oqo na 2.3 na milioni na lewe ni vanua e Pakistan me vaka nai tukutuku e tabaka na United Nations’ Office for the Coordination of Humanitarian Affairs (OCHA).
Vakaraitaki talega ni vakacacani e 95,350 na veivale kara sa gadreva sara tu ga na veivuke totolo ena gauna oqo.
source:cnn
