MAI CAVA NA YABAKI 3 NI NODRA VAKATATABU NA I TABAGONE NI KORO KO NALIDI,NAKOROTUBU MAI RA.

E sa mai vakacavari toka ena siga Vakaraubuka sa oti na nodra vakatatabu voli tiko mai  nai Tabagone gone ena loma ni koro vakaturaga ko Nalidi,Nakorotubu ena Yasana vakaturaga o Ra,me vaka ni a se tekivu sara mai na 2021,ka ra sa mai cavu i sausau kina ena yabaki oqo, ena vuku ni nodra sa tamusuka  na vua ni nodra  solesolevakitaka na nodra tei vaka  na yaqona.

Na vakatatabu oqo,e wili kina na nodra vakatabui ira mai na yaqona,tavako,yaqona ni vavalagi kei na ka kece ga e rawa ni vakaleqa na nodra bula vaka i tabagone,ka ra duavata kina na Turaga ni kei na Marama ena loma ni koro vakaturaga o Nalidi,me ra sa  vakaiotaka ka ra bubului kina nai Tabagone,ni ra na dina kina  ena vuku ni kena gadrevi na vakatoroicaketaki  ni kena teivaki na yaqona mai kea.

E ra maqusa na lewe ni koro ka ena nodra qaravi nai tabagone ena Vakaraubuka sa oti,me vaka ni sa mai cava ka sa na 3 na yabaki ni vakatatabu,ka ra qai cavuta mai na nodra dui sabolo ni yaqona ka mai sevutaki kina lotu e 2,sa i koya na lotu Wesele kei na Lotu Katolika,ka qaravi e dua na kena lotu,ka salamuri na veiqaravi vakavanua me vaka na kena i valavala, ena kena sa mai tekivi e dua nai  sausau vou ena loma koro.

Na veika e sa mai rawati oqo,e sa mai dolava kina e vakananau kei na rai vou ena loma ni yavusa vaka vakaturaga o Saladina,Navautaba kei na Yavusa  ko Nasau ena loma ni koro ko Nalidi,ena vukui ni kena rawa ni qaravi tale e so na porokaramu vaka oqo me rawa ni vakatoroicaketaki kina na nodra bula na i tabagone,se nai sausau vou ni vanua.

VITIFM 92.2FM/92FM/92.6FM/92.4 -E KAMICA QAI KACHI!!!

I VUREVURE  – MR. INOKE TURAGA