Tekivu me tuvana nona imau ko Scott Robertson-All Blacks eligibility issue.
Written by Atu Kurumudu on January 15, 2024
Mai soli na itutu vaka All Blacks coach vei Scott Robertson ena veika a mai rawata ena nona veituberi kei na qaqa veitaravi ni timi ena ruku ni nona veiliutaki.
Oya na veika era taleitaki koya kina vakalevu na lewenivanua , ka vuqa era a sa vakaraitaka taumada tiko ena 2023 kara kaya mena soli vua nai tutu cecere oqo ka me sosomitaki Ian Foster ni oti na World Cup.
Na veika a mai yaco oya , e ikuri tikoga ni nui-qawaqawa vei ira na veta e cake ni veilutaki ena timi ni All Blacks , de na lakolako ena dua na timi mai na dua tale na matanitu ena konitaraki taki koya.
Sa oti oqo e 20 na yabaki mai na gauna a liutaka kina na timi ena itutu vaka head coach ko Graham Henry ni bera ni mai sosomitaki koya na nona i-vukevuke o Steve Hansen ka qai mai sosomitaki koya tale na nona ivukevuke o Foster ena 2019.
Ni oti vinaka e 20 na yabaki na kena caiwri tikoga na soli ni itutu vaka coach ena coaching team sa tiko rawa , a mai veisau na rai oqo kei na gagadre ena loma ni yabaki ni 2022.
Richie Mo’unga, ka sa qito tiko vei Toshiba Brave Lupus Tokyo eJapan. (Photo Koki Nagahama/Getty Images)
Era sa via lako tani mai nai walewale ni veidigitaki vaka oqo , kara sa gadreva me soli na itutu oqo kivua e dua e rawa ni vakayaco ka ena loma ni rara kei na taudaku ni rara kei veika vovou e rawa ni kauta mai ena loma ni timi.
Wing Leicester Fainga’anuku, dua e vakaraitaki koya ena RWC , qito tiko vei Toulon. (Photo David Rogers/Getty Images)
Ia , e dua na tikina ena via bolea o Robertson ka veitalanoataki tiko vakalevu e Niusiladi ena gauna oqo na ‘policy’ ni nodra lewena ga na timi ni All Blacks o ira ga na cauravou kara qito tikoga e Niusiladi. Ena dua na itukutuku ka a tabaki ena dua na gauna sa oti , e tukuni kina nina via bolea o Robertson na ‘policy oya’. Kevaka e ratou na mani vakadonua na iyaraqele ni All Blacks na vakatutu oya , sa na rawa vei ira na cauravou ni Niusiladi kara qito tiko ena taudaku ni sotasota e Niusiladi, mera na mai lewena na All Blacks.
source:rugbypass
