Current track

Title

Artist

Background

Na marama ni Spain ka sucu e Amerika – E qase taudua vei keda na bula tiko e vuravura ena gauna oqo- yabaki 115.

Written by on February 1, 2023

 

E bula curuma mai e rua nai valu levu kei vuravura , kei na rua na mate lelevu ka dewavi vuravura talega.

Mai kacivaki na yacai Maria Branyas Morera me qase taudua vei keda na bula voli ena delai vuravura oqo ka toqai na yacana ena itukutuku ni veigauna ena kena ivola na Guinness World Records (GWR). Yaco oqo ni oti na nona mai mate na marama ni Varanise  o Sister Andre ena itekivu ni vula oqo ni sa yabaki 118.

Morera- gauna ni goneyalewa.

Dina ni a sucu mai San Francisco  ena 116 na yabaki sa oti , ia qai mai bula voli ga o Morera ena nodra vale na malumalumu e Catalonia,Spain.

Ni namaki voli na kena marautaki na nona yabaki 116 ena vica na macawa mai oqo , a volavola o Morare ena Twitter ena nona veivuke na luvena goneyalewa, a qai vola kina na yatu vosa oqo – “I am old, very old, but not an idiot,”

A sucu ena Maji 4, 1907, ni vovoleka yani na gauna rau sasaga kina na Wright Brothers me rau vukataka ena imatai ni gauna na nodrau waqavuka ka yavalati ena idini , kei na kena vo vinaka toka e rua na yabaki me qai tekivu na cakacaka ni kena ta na waqa levu na Titanic.

Dua talega e kilai ena dede ni nona bula ka volai ena GWR ko Jeanne Louise Calment, ka sucu ene Veverueri 21 ,1875 ka tukuni ni yabaki 122 ka 164 na siga.

source:cnn


Reader's opinions

Leave a Reply

Your email address will not be published. Required fields are marked *