SERE VOU-SULU DARAMAKI-TEGU NI NAYARABALE
Written by admin on January 31, 2023
“TEGU NI NAYARABALE”-Na matasere oqo e cavu sara tu mai e Namalata Kadavu,ka liutaka tiko o Ropate Drose,ka vuqa sara na nodratou sere e taleitaki sara vakalevu,ena vica na yabaki sa oti me vaka na “KAJI VAKADUA,CALIDI VAKA VA”,”RUVAIA” kei na vuqa tale.
“SULU DARAMAKI”-Oqo nai talanoa me baleta e dua na bula ni vuvale ka rau sa bucina vinaka sara tu ga na nodrau matavuvale ,ia,qai seva ni qai mai suruta tale na vusi.
Ena dua na siga sa kerekere o yalewa vei watina me gole ki Kadavu,ia,ena loma ni nodrau veitalanoa kei nona vakamau, e sega ni kila tiko ko tagane ni sa nakinaki tiko o yalewa ,me rau lai sota kei dua na tavalena mai Kadavu,ka sega ni kila voli tagane na vere sa bucina tiko na marama na watina.
Sa tiko voli mai Kadavu na watina,ka sa qai dau mani qiriqiri voli tiko yani ena veigauna me rau dau veitalanoa madaga.Ia, sa sega ni saumi tiko mai na nona qiri ka sogota tiko mai o vuni marama me vaka na ka sa laki cakava tiko ka vunitaka tiko vua na watina ni vakamau na veika sa yaco tiko,ena nona sa laki lasa vuni.
Ena dua na siga sa mani qiriti watina mai o yalewa,ka kerea vua ke rawa ni vakauta mada yani na nonai vodovodo,me sa rawa ni lesu tale mai kina koro turaga ko Suva.Sa yaco mai na siga e lokuci me na kele mai kina o yalewa ena koro turaga e Suva,rau sa laki wawa tu na veitamani ena wavu, e na yalo e nanamaki kei na nodrau marau ni ratou sa na mai sota tale vaka veitamani,me vaka ni sa balavu sara na gauna.
E suruta na vusi na nanamaki oqo ni a mani sega ni qai vodo mai o yalewa,ka qai kilai I muri ni sa vakawati tale tiko mai nona koro mai Kadavu.
E dua na vosa vakabalebale ka vakatokayaca kina na sere oqo- “NA SULU DARAMAKI”,E vakatautauvata taki vei tagane ni vaka ga e tokara oti edua na i sulu sa vakayagataki oti,ni sa sega ni qai lesu tale mai na yalewa na nona vakamau.
VITIFM 92.2FM/92.6FM/92FM.
VITIFM- E KAMICA QAI KACHII.
Source-Ropate Drose.
