Nadroga Un16 , Un18 – New Caledonia 2023 tour.

Era gole tiko vaka qito ki New Caledonia na lewe ni  timi ni Nadroga Academy U16 kei na U18 ena gauna oqo.

Na timi e rua oqo era lewena tiko na gone ni Nadroga era vuli tiko ena veikoronivuli e Nadroga kei ira na talega na gone ni Nadroga kara vuli tiko ena veikoronivuli ena veiyasai Viti.

Rau veiliutaki tiko ena tour oqo na kena Coach ko Iliesa Lotawa kei na kena manidia ko Valemani Latilevu. Era na laki siga vitu tiko ki New Caledonia na timi ruarua ka ratou na laki sota tiko kei na timi ni Dumbea rugby club, vakakina na veikalavo kara qito tiko e New Caledonia. Ratou na laki qito rakavi lewe yavitu ka vakakina na 15.

Nikua , e ratou na sota tiko ena qito 15 kei na timi ni Dumbea  , kara na veicurumaki tiko kei ira na cauravou ni academy ni Nadroga.

Na inaki ni golegole vaka qito oqo oya na kena sagai tikoga mera vakataroicake taki na gone ni Nadroga ena kila ka vaka qito ka vakatalega kina vei ratou na lewe ni Dumbea Rugby Club.

Na vaka vinavinakalevu ki vei ira nai tubutubu ena veitokoni ka vaka kina na kabani levu na Fiji Pine Limited ena nodra gole na cauravou ki New Caledonia.

source:Latilevu Velemani

pic:Seru Tuiloma